Тоолуу аймактар жана ашуулар аркылуу жол тарта турган айдоочулар унаа дөңгөлөктөрүн жайкыдан кышкыга алмаштыруусу зарыл. Бул тууралуу Транспорт жана коммуникациялар министрлигинен билдиришти.
Министрлик Сосновка жана Кара-Көл пункттарында унаалардын кышка даярдыгы текшерилип, талапка жооп бербегендер артка кайтарыларын эскертти.
Ошондой эле министрлик алыс жолго сапарга чыга турган айдоочуларга бир катар кеп-кеңештерин берди:
- жолго чыгарда унаада музга туруштук бере турган атайын чынжырча болуусу керек;
- ашуу аралап баратып, кокус авариялык абалга кептелген учурда унаа токтотууга коюлган ташты дароо жол боюнан алып коюуңуз. Анткени ал жол кырсыгы коркунучун гана туудурбастан, жасалма транспорт тыгынын да жаратат;
- кандай кырдаал жаралбасын каршы тилкеге чыкпоо кажет. Мында эреже гана бузулбастан, жол тазалаган унаалардын кыймылына катуу тоскоолдук жаралат;
- унаалар ортосундагы 500 метр аралыкты так сактоо - кырсыкты алдын алып, жол коопсуздугун камсыздайт.
Пикирлер (0)
Пикир жок. Сиз биринчилерден болушуңуз мүмкүн