Чын курандын 05, 2025
Убакыт: 05:30
USD
86.60
87.10
EUR
95.20
96.20
RUB
1.000
1.050

Сосновка жана Арал постторунда жүк ташуучу унааларга чектөө киргизилди

07.03.2025 09:23
162
Сосновка жана Арал постторунда жүк ташуучу унааларга чектөө киргизилди


Бишкек - Ош унаа жолундагы Сосновка жана Арал постторунда жүк ташуучу унааларга чектөө киргизилди.


Транспорт министрлигинен билдиришкендей, Сосновка постундагы чектөө кечээ, саат 22:00дон тарта, ал эми Арал постунда саат 21:40тан тарта оор жүк ташуучу унааларга убактылуу чектөө киргизилген.


Азыркы тапта Бишкек-Ош унаа жолунда (Ала-Бел, Төө-Ашуу ашууларында) бороон болуп, тазалоо иштери тынымсыз жүргүзүлүп жатат. Жеңил унааларга жол ачык, каттам бар.


Белгилей кетсек, Транспорт жана коммуникациялар министрлигине караштуу “Кыргызавтожол-Түштүк” жана “Кыргызавтожол-Түндүк” мамлекеттик ишканалары тарабынан өлкөнүн ашуулары жана жолдорунда кышкы тейлөө иштери үзгүлтүксүз уланууда.


Министрлик кандай кырдаал жаралбасын каршы тилкеге чыкпай, жол эрежесин так сактоого чакырат.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн