Бишкек административдик соту Жогорку Кеңештин экс-депутаты, “Ата Журт Кыргызстан” фракциясынын депутаты Фархат Исмаиловдун доо арызын канааттандырган жок. Ал Борбордук шайлоо комиссиясынын жасалма дипломдун айынан депутаттык мандатынан ажыратуу боюнча чечимин мыйзамсыз деп таанууну өтүнгөн. Бул тууралуу соттон билдиришти.
Маалым болгондой, сот 4-августта Фархат Исмаиловдун кесиптеши Фарходбек Алимжановдун ушундай эле арызын карайт.
Эске салсак, УКМКнын материалдары Борбордук шайлоо комиссиясына 2022-жылдын 8-апрелинде келип түшкөн. Андан соң Билим берүү министрлигине кайрылган. КУУнун ректоратынын Фархат Исмаиловдун наамына диплом берилген эмес деп билдирген. БШК бул маселени бир жылдан кийин караган.
Пикирлер (0)
Пикир жок. Сиз биринчилерден болушуңуз мүмкүн