Сот адилетсиздигине туш болгон аялдар президентке кайрылып, өздөрүн өрттөшөрүн айтты

Өкмөт үйүнүн алдында 2 аял митинг өткөрүп жатат. Бүгүн, 23-апрелде имараттын алдына чыккандар сот чечимине нааразы экенин айтышты.

Алар «Соттордун мыйзамсыз чечиминен жабыр тарткандар акыйкаттыкты талап кылат» деп жазылган плакаттарды көтөрүп, президент Садыр Жапаров менен биринчи вице-премьер-министр Артем Новиковдун сүрөтүн башына тагып алышкан.

Президент Садыр Жапаров кабыл алсын деп талап кылып: «Жөнөкөй эл сизди колдогон. Эми сиз дагы бизди угуңуз», - дешти.