Президент Сооронбай Жээнбеков «Ал жеткис күчтүн жагдайларына байланыштуу социалдык-экономикалык кырдаалды турукташтыруу маселелери боюнча айрым мыйзам актыларга өзгөртүүлөрдү киргизүү жөнүндө» КР мыйзамына кол койду, деп маалымдады президенттин басма сөз кызматы.
Мыйзам Жогорку Кеңеш тарабынан 2020-жылдын 1-апрелинде кабыл алынды. Мыйзам жарыяланууга тийиш жана 2018-жылдын 1-январынан тартып күчүнө кирүүчү 4-берененин 1-пунктунун «а» пунктчасын кошпогондо, 2020-жылдын 1-апрелинен тартып күчүнө кирет.
Маалымат иретинде: мыйзамдарга ылайык, КР президентинин расмий сайты мыйзамдын расмий жарыялоо булагы болуп эсептелет. Ошондой эле бул мыйзам «Эркин тоо» газетасынын жакынкы санында жарыяланат.
Пикирлер (0)
Пикир жок. Сиз биринчилерден болушуңуз мүмкүн