Социалдык фондго жаңы жетекчи дайындалды

Уланбек Жалалович Асанов  Саламаттыкты сактоо жана социалдык өнүгүү министрлигинин алдындагы Социалдык фонддун төрагасы болуп дайындалды. Бул тууралуу ЖКнын Экономикалык жана фискалдык саясат боюнча комитетинин отурумунда белгилүү болду.

У.Асанов “Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө” Кыргыз Республикасынын Мыйзамына өзгөртүүлөрдү киргизүү тууралуу ”Кыргыз Республикасынын Мыйзамынын долбоорун кароону кийинкиге калтырууну суранды.

"Бул кызматка жаңы келгендигиме байланыштуу, бул маселени кылдаттык менен изилдеп чыгууга убакыт керек" деди ал.

Комитет бул мыйзам долбоорун кароону кийинкиге калтырды.