2022-жылдын башынан бери жашы жете электерге сексуалдык ыдык көрсөтүү жана зордуктоо боюнча соттолгон 88 адам абактан бошотулган. Алардын жазасы шарттуу жаза менен алмаштырылган, деди депутат Жанар Акаев Жогорку Кеңештин жыйынында.
Анын айтымында, өспүрүм кызды зордуктап соттолгондордун бири эркиндикке чыккандан кийин жабырлануучуга кайрылып, кордукту кайталаган. Ал кош бойлуу болуп калган.
«Фактылар коркунучтуу. Балдарга зордук-зомбулук көрсөткөн 100дөн ашык адам эркиндикке чыкты. Мындай кылмыштарга байланыштуу мыйзам долбоору бар, аны депутаттар тобу иштеп чыккан. Экинчи жана үчүнчү окууда кабыл алууну сунуштайм. Соттор мыйзамдардан мүчүлүштүктөрдү табышты. Балдарга сексуалдык зомбулук көрсөткөндөргө карата пробация колдонулбашы керек деп эсептейм», - деди эл өкүлү.
Жанар Акаевди кесиптештери колдошту. Марлен Маматалиев бир жыл мурун Кылмыш-жаза кодексине өзгөртүү кабыл алынганын, ага ылайык, зордуктагандарга карата жеңилдетүүчү жагдайлар колдонулбай турганын белгиледи.
Пикирлер (0)
Пикир жок. Сиз биринчилерден болушуңуз мүмкүн