Республикалык инфекциялык ооруканага бүгүн, 9-мартта дене табы көтөрүлгөн Стамбулдан келген кыргызстандык жаран жаткырылды. Бул тууралуу оорукананын башкы дарыгери Гүлжигит Аалиев АКИpres агенттигине билдирди.
Анын айтымында, аталган жаран ооруканага 9-мартта эрте менен "Манас" аэропортунан алынып келинди. "Тепловизор анын дене табы жогору экенин көрсөтүп, курч респиратордук вирустук инфекция (ОРВИ) деген диагноз коюлду. Аны менен катар коронавируска анализ алынды, жыйынтыгы кечке жуук билинет", - деди башкы дарыгер.
Ал белгилегендей, кыргызстандык бул жаран Стамбулда гана болгон. Эпидемиялык абал курч болгон башка мамлекеттерде болгон эмес. Саламаттык сактоо министрлигинин бекиткен тартибине ылайык,текшерүүдөн өткөн.
Пикирлер (0)
Пикир жок. Сиз биринчилерден болушуңуз мүмкүн