Министрлер кабинетинин төрагасынын орун басары, УКМКнын жетекчиси Камчыбек Ташиев Жогорку Кеңештин жыйынында депутат Султанбай Айжигитовдун мурда соттолгондугун жашырып койгондугун билдирди.
Анын айтымында, чек ара келишими боюнча кол коюуга үч күн калганда ЖК депутаты Султанбай Айжигитовдун пикирин өзгөртүп чыккандыгын көпкө ойлонуп, анализ жасаган.
"Мен сизге бирөө таасир берди го деп ойлогом. Көрсө, сиздин психологиялык портретиңиз ушундай турбайбы. Сурамжылоо жүргүзсөм, 2017-жылы бир баланы сабап, бирок сот органдарында иштеген туугандарыңыздын аркасы менен “тентектик” беренесин жеңилирегине өзгөртүп, мөөнөтү өтүп кеткен кылмыш катары жаптырып койгон экенсиз. Анткени менен, БШКга соттолгондугу тууралуу маалымкатын көрсөтпөптүр. Мен БШКга бул суроо менен кайрылдым эле. Аларда мындай маалымкат жок экен. Сиз соттолгондугуңузду жашырган экенсиз да, көрсө. Эртеңки күнү депутаттык мандатыңызды алып койсо таң калбаңыз. Муну укук коргоо органдары дагы текшеришет. Ташиев мени аңдып жатат деп айтып жүрбөңүз эртеңки күнү. Бирок, сиз мурда соттолгондугуңузду жашырып коюптурсуз” – деди Ташиев.
Пикирлер (0)
Пикир жок. Сиз биринчилерден болушуңуз мүмкүн