2021-жылдын 22-ноябрынан 25-ноябрына чейинки аралыкта Сүлүктү шаарында “Арсенал” иш-чарасы өткөрүлдү. Бул тууралуу Баткен ОИИБнын Басма сөз кызматы кабарлады.
Сүлүктү ШИИБнин милиция кызматкерлери бул 3 күн аралыкта 3 топко бөлүнүп, шаар аймагындагы жарылуучу заттарды сактаган мекеме-ишканаларды, үйүндө курал сактаган мергенчилердин үйлөрүнө барып сакталган курал-жарактардын сакталуу эрежелерин, жайларын, жана алардын мөөнөттөрүн текшерип чыкты. Шаар аймагында алдын алуу иш-чарасында уурдалган курал-жарак, ок-дарылар аныкталган жок.
Кыргыз Республикасынын Бузуулар жөнүндө кодексинин 85-беренесинин (Атуучу куралды каттоо мөөнөтүн бузуу) негизинде 2 жаранга айып пулдар салынып, актылар толтурулду.
Пикирлер (0)
Пикир жок. Сиз биринчилерден болушуңуз мүмкүн