Сүлүктү шаарында кыз узатуу тоюнан кийин 32 адам тамакка ууланды

9-майда Сүлүктү шаарында тамак-ашка ууланып 32 адам ооруканага кайрылган. Бул тууралуу АКИпресс агенттиги кабарлады.

Жергиликтүү санитардык-эпидемиологиялык көзөмөл органы маалыматты тастыктаган.

Белгилүү болгондой, 8-май күнү Сүлүктү шаарындагы "Рахат" кафесинде 180 кишинин катышуусунда кыз узатуу тою өткөн.

9-май күнү  тойго барган адамдар ууланып, ооруканага кайрылган.

Алардын 11и ооруканага жаткырылган, 22си амбулатордук түрдө дарыланууда.

Санэпидкөзөмөл органы кафенин ээсине 15 миң сом айып пул салган.