Сүлүктү шаарында жол кыймылынын коопсуздугун камсыздоо кызматы жол эрежелерин сактоо максатында мектеп окуучуларына түшүндүрүү иштерин жүргүзүүдө. Бул тууралуу Баткен ОИИБнын Басма сөз кызматы билдирди.
Жол кырсыктарынын алдын алуу жана болтурбоо максатында Сүлүктү ШИИБнин ЖККК кызматкерлери коомчулук арасында үзгүлтүксүз иш алып барып келет.
Шаар аймагындагы ар бир мектеп айланасындагы жол белгилерин, жол чийиндерин көзөмөлдөшүп, кээ бир жок жерлерге сунуштарын беришүүдө.
Мындан сырткары жүргүнчү ташыган автоунаалардын техникалык абалы текшерилип, жол эрежелерине баш ийип айдоо боюнча айдоочулар менен профилактикалык иштерди жүргүзүүдө.
Өткөн апта ичинде ЖККК кызматкерлери тарабынан шаар аймагындагы айдоочуларга Кыргыз Республикасынын Бузуулар кодексинин негизинде жалпысынан 40 протоколдор толтурулду.
Пикирлер (0)
Пикир жок. Сиз биринчилерден болушуңуз мүмкүн