Сурамжылоо: Бишкектеги ыш үчүн өкмөттү жана мэрияны сотко бериш керекпи?

Кыргызстандын борбору Бишкек шаарын бир канча жылдан бери түтүн каптап, айрыкча кыш айларында бул чоң маселеге айланды. Чет элдик маалымат каражаттары Бишкек дүйнөдөгү абасы кир калаалардын сап башына чыкканын жазып чыкты. Адистер мындай көрүнүшкө унаалардан чыккан түтүндү, көмүр жакканда бөлүнүп чыккан ышты, Бишкек ТЭЦинен чыккан түтүндү себеп катары айтып келет. Ошентсе да 1 миллион чамалуу борбор калаанын тургундарынын ден соолугу күн өткөн сайын талкаланууда. Ал арада мындай көрүнүшкө бийликти айыптап, ал үчүн өкмөттү жана Бишкек мэриясын сотко берүүнү демилгелеген активисттер чыкты. Буга байланыштуу биз коомчулуктун пикирин сурап көрүүнү туура көрдүк.