Чүй облусунун Суусамыр өрөөнүндө жол кырсыгы катталып, эки адам жаракат алды. Бул тууралуу Өзгөчө кырдаалдар министрлигинин басма сөз кызматынан билдирди.
Маалыматка ылайык, жол кырсыгы 8-майда саат 04:30дар чамасында Бишкек-Ош унаа жолунун 199-чакырымында Суусамыр өрөөнүндө болгон. Анда “Volkswagen Passat” жана “Ssanуong Musso” унааларынын катышуусунда жол кырсыгы катталган.
Кырсыктын кесепетинен 2 адам жеңил жаракат алган, унаадагы башка жүргүнчүлөр жабыркаган эмес.
Окуя болгон жерге куткаруучулар барып, унаадан адамдарды чыгарып "Тез жардам" кызматына өткөрүп берген.
Пикирлер (0)
Пикир жок. Сиз биринчилерден болушуңуз мүмкүн