Сузакта 10-класстын балдары 9-класстын окуучусун сабап өлтүрүп койду

Сузак районунун Сафаровка айылында 9-класстын окуучусу каза болду. Бул тууралуу "Турмуш" басылмасы кабарлады.

Маалым болгондой, 1-март күнү 9-класстын окуучулары сабактан кайткан учурда 10-класстын балдары аларды эски имаратка алып барып сабаган. Анын кесепетинен 9-класстын М.Т. атуу окуучусу кулап калган.

Ал өзүнө келбей ооруканага бара жаткан жолдо алган жаракатынан улам каза тапкан.