Сузак районунда күйөөсү тарабынан сабалган аял экинчи топтогу майып. Бул тууралуу Эмгек жана социалдык өнүгүү министрлигинин Сузак районундагы башкармалыгынын өкүлү Абдикерим Мусаев билдирди.
Анын айтымында, аялдын туугандары кордогон күйөөсү жазалансын дешет. Ал эми эркектин туугандары аны коргоп калууну көздөшүүдө.
"Окуя тууралуу кенен айтып берүүгө аялга анын 24 жаштагы уулу жол бербей жатат, ага дагы атасынын туугандары моралдык кысым көрсөтүшүүдө", - деди ал.
Анын пикиринде күйөөсү тарабынан көрсөтүлгөн зомбулук оор кесепеттерге алып келиши ыктымал.
"Аял эки жыл мурун жүрөгүнөн операция болгон", - деди "Адилеттүүлүк" укук коргоо уюмунун Жалал-Абад облусундагы өкүлү Бактыкан Жапарова.
Буга чейин Сузак районунда күйөөсү тарабынан зордук-зомбулукка кабылган аял тосмо арыз жазганын ОИИБдин басма сөз кызматынан билдиришкен.
Пикирлер (0)
Пикир жок. Сиз биринчилерден болушуңуз мүмкүн