Сузак районунун аймагында жаш өспүрүмдөр арасындагы жол транспорт кырсыктарынын алдын алуу багытындагы милициянын иш-чаралары улантылууда. Бул тууралуу Жалал-Абад ОИИБдин басма сөз кызматынан билдиришти.
Иш-чаранын алкагында өспүрүмдөргө велосипед менен чоң көчөлөргө чыкпоо керектиги эскертилген. Айдоочуларга жаш балдарды унаанын алдыңкы отургучуна отургузбоо зарылдыгы жеткирилип, жол эрежелерине баш ийүү керектиги айтылган.
Ошондой эле милиция кызматкерлери ата-энелерди күн ысык мезгилдерде балдарына көзөмөл кылып, алардын кооптуу аймактардан сууга түшүүсүнүн алдын алууга чакырышкан. Жайкы эс алуу учурунда окуучулар коомдогу жат көрүнүштөргө аралашып калуусун болтурбоо жана кароосуздуктун алдын алуу боюнча түшүндүрүү иштери жүргүзүлгөн.
Пикирлер (0)
Пикир жок. Сиз биринчилерден болушуңуз мүмкүн