ТҮРКСОЙдун башкы катчысы Д.Касеинов кыргызстандыктарды Эгемендүүлүк күнү менен куттуктады. 

"Урматтуу кыргыз элим, сиздерди Кыргыз Республикасынын Эгемендүүлүк күнү менен чын жүрөктөн куттуктайм. Ала-Тоого бийиктик жарашкандай, кыргызстандыктарга эгемендик жарашат. Анткени кыргыздар Манас сындуу баатырдын, Чынгыз Айтматов сындуу акылдын эли. Кыргыздын Калый Молдобасанов, Асанкан Жумакматов, Төлөмүш Океев, Сүймөнкул Чокморов, Болот Миңжылкыев сыяктуу улуу өнөрпоздор менен бирге басып, бирге тургам. Ошон үчүн кыргыздарга урматым чексиз. Кыргыз элинин эгемендиги түбөлүк болсун. Ачык асман, жаркын келечек тилейм", - деди өз куттуктоосунда.