Эгер авариялык өчүрүү болсо мен жоопкерчилик алам. Мындай пикирин Энергетика министри Таалайбек Ибраев Жогорку Кеңештин бүгүнкү жыйынында билдирди.
Анын айтымында, энергетика тармагындагы бүгүнкү кырдаал министрликтен көз каранды эмес.
"Биз кышка даярдык мезгилинде бардык шарттарды эске алганбыз. Алардын катарында электр энергиясынын көп колдонулушу жана жылуулук электр борборлорунун ишин үзгүлтүксүз камсыз кылуу.
Бүгүнкү күндө электр энергиясы генерациядан ашыкча пайдаланып жаткандыктан өчүрүүлөр болууда. Бизде ашыкча электр энергиясы жок. Мен бир күндө ГЭС кура албайм. Эгер ал мүмкүн болгондо жоопкерчилик алмакмын. Мен жоопкерчиликтен качпайм. Эгер авариялык өчүрүү болсо, жылуулук берилбей калса жоопкерчилик алууга даярмын",- деди министр.
Пикирлер (0)
Пикир жок. Сиз биринчилерден болушуңуз мүмкүн