Таалайбек Сарыбашов Бишкектин мэрлигинен кетти (видео)

Бишкек шаарынын мэринин милдетин аткаруучу Таалайбек Сарыбашов мэрлик кызматтан кетти. Бул тууралуу Сарыбашов элге жасаган кайрылуусунда билдирди.

Анын айтымында, ал аталган кызматтан өз каалоосу менен кетип жатат.

"Урматтуу мекендештер, мен бүгүн Бишкек шаарынын мэринин милдетин аткаруучу кызматынан өз каалоом менен кетип жатам. Кызматтан кетишимдин эч кандай саясий себеби жок. Болгону өзүмдүн жашоо шартыма байланыштуу айрым маселелерди чечүү үчүн кетип жатам. Биздин келечекте элибизге көп кызмат кылабыз деген тилектерибиз бар",- деди Сарыбашов