Бишкек шаарынын мэринин милдетин аткаруучу Таалайбек Сарыбашов эмне үчүн аталган кызматтан кеткени тууралуу үн катты. Бул тууралуу ал журналисттерге жооп берип жатып билдирди.
Анын айтымында, мындай чечим президент менен кеңешүүдөн кийин кабыл алынган.
"Бул менин жеке чечимим болду. Президент Садыр Жапаров менен дагы макулдаштык. Бишкек шаары менен тааныштык. Өзүмдүн чечимим боюнча Жогорку Кеңешке барып, депутат болуп мамлекетке кызмат кылып, мыйзам жазсак деген ойдо кызматты кайра берип жатам. Себеби 26-августта шайлоо болот. Бул чечимди шайлоого чейин кабыл алайын дедим",- деп жооп берди Сарыбашов.
Эскерте кетсек, бүгүн Таалайбек Сарыбашов кызматтан кетип, ордуна Айбек Жунушалиев дайындалды.
Пикирлер (0)
Пикир жок. Сиз биринчилерден болушуңуз мүмкүн