Пхукет курорттук аралынын полициясы Таиланддын Таланг аймагындагы кароосуз калган мейманканада асылып турган кыргызстандык туристтин табылгандыгын билдирди. Бул тууралуу 24.кг агенттиги жазып чыкты.
28 жаштагы Адилет Бакытбековдун жансыз денеси Теп Красатри тамбонундагы кароосуз калган имараттын үчүнчү кабатынан табылган.
Белгилүү болгондой, кыргыз жаранынын мойнунда аркан болгон, денесинде көгөргөн жерлер табылган эмес.
Каза болгон жарандын иниси полицияга кайрылып, агасы Пхукеттеги үйүнөн чыгып кеткен бойдон кайтып келбегенин айткан. Кийинчерээк анын сөөгү кароосуз калган мейманканадан табылган. Полициянын айтымында, эркек киши карызга батып, өз жанын кыюуга барышы мүмкүн. Өз өмүрүн кыйганга чейин Адилет видеону аялына жөнөткөн. Видеонун чоо-жайы айтылган жок.
Пикирлер (0)
Пикир жок. Сиз биринчилерден болушуңуз мүмкүн