Жогорку Кеңештин төрагасы Талант Мамытов 15-16-апрель күндөрү Санкт-Петербург шаарында өтө турган Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясынын жазгы сессиясынын отурумдарына катышат. Бул тууралуу парламенттин басма сөз кызматынан билдиришти.
15-апрель күнү Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясы, Европа Кеңешинин, Жамааттык коопсуздук келишими уюмунун, Жер ортолук деңизинин Парламенттик ассамблеялары жана Бириккен улуттар уюмунун Контртеррористтик башкармалыгы ортосунда онлайн-форматта "COVID-19 пандемиясынын шартындагы глобалдык чакырыктар жана коркунучтар. Терроризм жана зордук-зомбулук экстремизми" аталышындагы конференция өтөт.
16-апрелде КМШ ПААнын башкы кеңсесинде ассамблеянын 52-пленардык отуруму уюштурулат. Анда пандемия маалында миграциялык жараяндарды мыйзамдык жөнгө салуу, айрыкча аталган маселеге карата КМШга мүчө өлкөлөрдүн парламенттеринин ролу талкууга алынат.
Пикирлер (0)
Пикир жок. Сиз биринчилерден болушуңуз мүмкүн