Жогорку Кеңештин бүгүнкү отурумунда Конституциянын жаңы долбоорун кабыл алуу боюнча маселе каралууда.
Депутаттардын көпчүлүгү жаңы долборду сынга алып аны жеткиликтүү эмес экенин айтышууда.
Ал эми ЖКнын төрагасы Талант Мамытов бүгүнкү күн тартибине Конституциянын жаңы долбоорун эмес Референдум өтүүчү күндү талкуулоо керектигин айтты.
"Референдумдун мыйзам долбоору боюнча суроолорду берсеңиздер туура болот. Учурда Конституциянын долбоорун талкуулап жаткан жокпуз. Белгилүү болгондой, Баш мыйзамдын жаңы редакциясынын долбоорунун демилгечилери бир нече депутат болгон. Андан кийин коркуп кеткен айрым депутаттар кол коюудан баш тартышты. 10-январда өткөн референдумдун жыйынтыгы боюнча эл президенттик башкарууну тандап алышты жана бул багытта долбоор даярдалды. Бардык учурларды бир Конституцияга батыруу мүмкүн эмес",- деди төрага.
Пикирлер (0)
Пикир жок. Сиз биринчилерден болушуңуз мүмкүн