Жогорку Кеңештин төрагасы Талант Мамытов 2-июндагы жалпы жыйында депутаттарды камоонун мыйзамдуулугу тууралуу түшүндүрмө берүү үчүн Башкы прокуратурага проктоколдук тапшырма берди.
Жогорку Кеңештин депутаттар Дастан Бекешов менен Тазабек Икрамов “Кумтөр ишине” байланыштуу камалган депутаттар тууралуу маселе көтөрүшкөн. Дастан Бекешов жаңы Конституциянын 78-беренесинин 1-бөлүмүнө ылайык эл өкүлүнө кылмыш ишин козгоо, ал кылмыш үстүндө кармалган учурдан башка жагдайларда көпчүлүк депутаттардын макулдугу керек экенин билдирди.
Тазабек Икрамов депутат ишине байланыштуу айткан ою, берген добушу үчүн жоопкерчиликке тартылбай турганына токтолуп, соңку камоолор мыйзамсыз экенин белгиледи.
“Мыйзам бузуулар болуп жатат, буга ким жооп берет? Бүгүнкү күнү мандаты бар депутаттарды камап жаткандар жооп бериш керек”,- деди.
Эске салсак, депутаттар Асылбек Жээнбеков менен Төрөбай Зулпукаров 31-майда кармалган.
Пикирлер (1)