Талант Мамытов жана Даир Кенекеев "Кыргызстан" партиясынын катарына кошулду. Бул тууралуу партиянын басма сөз кызматынан билдиришти.
Жогорку Кеңештин депутаты Талант Мамытов менен Экс-вице-премьер-министр Даир Кенекеев “Кыргызстан” партиясынын мүчөсү болду. Аларга 10-август күнү партиянын төрагасы Канатбек Исаев партбилет тапшырган.
Белгилей кетсек, Талант Мамытов 2015-жылы "Республика Ата Журт" саясий партиясынан VI чакырылыштагы Жогорку Кеңештин депутаты болуп шайланган. Ал парламенттин Укук тартиби, кылмыштуулукка каршы күрөшүү жана коррупцияга каршы комитетинин мүчөсү болгон. 2007-жылдан 2009-жылга чейин Жалал-Абад облусунун Тогуз-Торо районунун прокурору болуп иштеген. 2010-жылы "Ата-Журт" саясий партиясынан V чакырылыштагы Жогорку Кеңештин депутаты болуп шайланган.
Ал эми 45 жаштагы Даир Кенекеев 2011-жылы Мамлекеттик мүлктү башкаруу фондун жетектеген. 2015-жылдан бери өкмөттүн Талас облусундагы ыйгарым укуктуу өкүлү болуп иштеген. 2018-жылы "Учкун" ААКтын башкы мүдүрү болуп дайындалган.
Пикирлер (1)