Нарын облусунун мусулмандар казысы Маметасан ажы Ибраев ден соолугуна байланыштуу арызын жазып, кызматын тапшырды. Нарын облусунун мусулмандар казысы болуп Эрик ажы Молдокулов дайындалды. Тиешелүү буйрукка Кыргызстан Мусулмандарынын Азирети Муфтийи Замир кары Ракиев кол койду. Бул тууралуу КМДБнын басма сөз кызматы кабарлады.
Азирети Муфтий Маметасан ажы Ибраевге «Ардактуу казы» наамын тапшырып, тез арада сакайып кетүүсү үчүн дуба кылды.
Сулумбек ажы Узеналиев Талас облусунун мусулмандарынын казысы болуп дайындалды
Талас облусунун мусулмандарынын казысы болуп Сулумбек ажы Узеналиев дайындалды. Тиешелүү буйрукка Кыргызстан мусулмандарынын Азирети Муфтийи Замир кары Ракиев кол койду.
Азирети Муфтийдин орун басары Жоробай ажы Шергазиев жаңы дайындалган Талас облусунун мусулмандар казысын жалпы эмгек жамаатка тааныштырып, ишине ийгиликтерди каалап, казыят, хатибият жана аймактагы дин кызматкерлери менен биргеликте элибиздин руханий жан дүйнөсүн агартууда бардык мүмкүнчүлүктү жумшоо керектигин билдирди. Муну менен катар Азирети Муфтийдин орун басары элибиздин ынтымагын, биримдигин бекемдеп, улуттар арасындагы достукту чыңдоо керектигин баса белгиледи.
Пикирлер (0)
Пикир жок. Сиз биринчилерден болушуңуз мүмкүн