Таласта 7-апрелде каза болгондорго куран окулду

Талас шаарында 7–апрель окуясында каза тапкан мекен шейиттери эскерилди. Бул тууралуу Кыргызстан мусулмандарынын дин башкармалыгынын басма сөз кызматынан билдирди.

Маалыматка ылайык, куран окутуу бүгүн, 6-апрелде Талас шаарындагы шейиттер аллеясында өткөн. Ага облустук администрациясынын жетекчилери, Талас шаарынын мэриясынан жана Талас облусунун казысынын орун басары Медер ажы Сагынбаев катышканы айтылат.

Ал эми, иш-чарага коронавирус пандемиясына байланыштуу аз санда адамдар катышканы.

“Апрель баатырларынын арбагы эч качан унутулбайт. Алар эл -жер үчүн жан берген эр азаматтар. Биз силерге түбөлүк таазим этебиз. Мекенибизге жаркын жашоо алып келген силерсиңер”, — дейт Талас облусунун казысынын орун басары Медер ажы Сагынбаев. 

Эске салсак, 7-апрель Элдик революциясы күнү катары белгиленип келет.