Таласта милиция кызматкери аялынын өлүмүнө шектелүүдө

Талас шаарында 29 жаштагы келин алган жаракатынан каза болду. Бул тууралуу  облустук милициянын басма сөз кызматы билдирди.

Маалыматка караганда, 29-декабрь күнү 10:40 чамасында милицияга «Тез жардам» кызматы Талас шаарынын 29 жаштагы тургуну үйүндө каза болгону тууралуу кабарлаган.

Текшерүү учурунда денесинде көк ала тактар бар экен аныкталган. Кымышка шектелип келиндин 33 жаштагы күйөөсү кармалды. Милиция факты боюнча Кылмыш-жаза кодексинин 130-беренесинин негизинде («Киши өлтүрүү») кылмыш иши козголгонун, учурда соттук-медициналык экспертизалар дайындалып, тергөө жана иликтөө иштери жүрүп жатканын кошумчалады.

Айрым маалымат булактары келиндин күйөөсү ИИМдин жол коопсуздугун камсыз кылуу тармагында иштей турганын жазышты.

Айрым маалымат каражаттар келиндин күйөөсү жол коопсуздугун камсыздоо бөлүмүндө иштей турганын, аялын сабап, эс-учун жоготуп койгондо «Тез жардамды» өзү чакырганын жазышты.