Бүгүнкү күндө Талас облусундагы күндүзгү стационарларда ооруган бейтаптардын саны азайып жатат. Бул тууралуу өкмөттүн Талас облусундагы ыйгарым укуктуу өкүлү Марат Мураталиев 27-июлдагы брифингде билдирди.
Анын айтымында, облус боюнча 21 ИВЛ аппараты, 323 кычкылтек концентраты бар.
"Облуста COVID-19 илдети менен күрөшүүдө болгон күч-аракеттер жумшалууда. Дарыканаларда дары-дармектер улам келип түшүүдө, бул жаатта көйгөйлөр жок. Апрель айынан тартып медицина кызматкерлерине кошумча айлык акы төлөөлөр өз убагында жүргүзүлүүдө. Ал эми талаа иштеринде эгиндерди ооруп-жыйноо иштери кызуу жүрүп жатканын кошумчалады", - деди ал.
Кыргызстанда акыркы бир сутка ичинде COVID-19 U07.1 жана U07.2 инфекциясы 483 адамдан аныкталды. Анын ичинен Талас облусунда 27 жаңы учур катталган.
Пикирлер (0)
Пикир жок. Сиз биринчилерден болушуңуз мүмкүн