Таластан мал уурдаган жаран Токтогулдан кармалды

Токтогул милициясы Таластан мал уурдап келип сатып жаткан жаранды кармады. Бул тууралуу Жалал-Абад ОИИБдин басма сөз кызматынан билдиришти.

Маалыматка караганда, Токтогул райондук ички иштер бөлүмүнүн участкалык инспекторлору уурдалган малды саткан Талас шаарынын тургуну 2003-ж.т. У.Д. аттуу жаранды кармады. Ал 1-апрель күнү Талас облусунун аймагынан мал уурдап 2-апрелде Токтогул районунун Өзгөрүш айыл аймагындагы мал базарда малды сатып кетип жаткан жеринен кармалган.

Мал уурулукка байланыштуу кылмыш иши Талас ШИИБдин КБРне Кыргыз Республикасынын Кылмыш-жаза кодексинин 205-беренеси (Уурдоо) менен катталган.

Кармалган жаран Токтогул РИИБдин кызматкерлери тарабынан Талас ШИИБге өткөрүлүп берилди.