Белгилүү коомдук ишмер Бекболот Талгарбеков “Азия Ньюс” гезитине маек берип, президенттикке талапкер Садыр Жапаровдун кемчиликтерин атады. Ал Жапаровду мактай эле бербей, кемчиликтерин да айтып туруш керектигин билдирген.
“Садыр Жапаров башкы талапкер экени жалпыга белгилүү. Анын мекенчилдиги, чынчылдыгы жаштардын купулуна толуп турат. Бирок аны мактай эле бербей, кемчиликтерин да айтып туруш биздин парызыбыз. Эксперттердин баамында, Жапаров мамлекетти башкаруу, аны жакшы жолго салуу боюнча көз карашы, позициясы али чийки, жеткиликтүү программасы даяр эмес. Өзгөчө Жапаровдун трайбалисттик сапаты бизди, анын жактоочуларын таң калтырды. Ал кыска убакытта өз жердештерин татыктуусун деле, татыксызын деле “талылуу” кызматтарга тыгып салды. Эми ушуга окшогон кемчиликтерин эске алып, программасын мыктылып элге чыкса, анда экинчи турда жеңүүгө мүмкүнчүлүк алат”, - дейт Талгарбеков.
Пикирлер (3)