6-декабрда футбол боюнча дүйнө чемпионатынын 1/8 баскычында Марокко менен Испания кез келди.
Беттеш эки тараптын бирдей үстөмдүгү ортосунда өттү. Оюндун негизги 90 мүнөтү жана кошумча 30 мүнөтүндө да гол жаралган жок.
Оюн соңунда пенальти сериясында Марокконун дарбазачысы Яссин Буну оюндун негизги каарманына айланды.
Буну "Кызыл фуриялардын" 3 оюнчусунун соккусун кайтарды.
Эсеп 3:0. Марокко өзүнүн тарыхында биринчи жолу дүйнө чемпионатынын чейрек финалына чыкты.
Плей-офф баскычындагы соңку оюн Португалия менен Швейцария ортосунда болду.
Бул оюнда атактуу жылдыз Криштиану Роналду оюнга чыккан жок. Анын ордуна чыккан Гонсалу Рамуш хет-трик жасады. Бул хет-трик Катарда өтүп жаткан дүйнө чемпионатында алгачкы жолу жаралды.
Ошентип Португалия 6:1 эсебинде жеңишке жетишти жана чейрек финалда Марокко менен беттешет.
Пикирлер (0)
Пикир жок. Сиз биринчилерден болушуңуз мүмкүн