Президентибиз Садыр Жапаровдун негизги тапшырмасы ушул чек араны чечип алуу. Мындай пикирин Улуттук коопсуздук мамлекеттик комитетинин төрагасы Камчыбек Ташиев Ак-Татыр айылындагы жолугушуу учурунда билдирди.
Анын айтымында, чек ара толук чечилгенден кийин Кыргызстан менен Тажикстан ынтымакта жашаш керек.
"Негизги тапшырма чек араны чечүү. Же кыргыз тараптын, же тажик тараптын тарабына чечилди деген нерсе болбойт. Чек ара чечүүдө бир жерден утулсак, башка жерден утабыз. Эч качан бир тарап жеңбейт.
Биринчи Лейлек районундагы Кулунду, Арка, Максат, Интернационал айылдарында чек ара такталат. Андан кийин бул жактын маселесин карайбыз",- деди Ташиев.
Пикирлер (1)