Райымбек Матраимов бажыдагы кылмыштуу иштерди башка өлкөлөрдөгү өнөктөштөрү менен жасашы мүмкүн. Бул тууралуу УКМКнын төрагасы Камчыбек Ташиев пресс-конференцияда билдирди.
"Биз аны иликтейбиз. Райымбек Матраимов ушу күнгө чейин мамлекетке 2 млрд сом төктү. Анын 1 млрд 400 млн сому акча түрүндө, калган 600 млн сому мүлк түрүндө алынды. Анын баары мамлекеттин эсебине өтөт. Бир соода борбору, тогуз квартира. Тогуз квартиранын ичинен бирөөнүн аянты чоң, ал социалдык объектке айланат. Калганы УКМК кызматкерлерине берилет", - деди Ташиев.
Ташиев мындан ары иликтөө иштери уланарын кошумчалады.
Пикирлер (1)