Бүгүн, 24-декабрда КР УКМКнын төрагасы Камчыбек Ташиев маалымат жыйынында атайын кызматтарда Жогорку соттун төрайымы Гүлбара Калиеванын жергиликтүү сотторго автоматташтырылган системаны киргизген учурда коррупциялык элементтерге катыштыгы бар болушу мүмкүн деген материалдар бар экендигин айтты.
Анын айтымында, жакынкы аралыкта тергөө кызматы иштин материалдарын Генпрокуратурага өткөрүп берет, ал жерден Жогорку соттун төрайымы Гүлбара Калиеваны кылмыш жоопкерчилигине тартуу үчүн КРнын Судьялар кеңешине өткөрүлөт.
“Эгерде тартип комиссиясы биздин ишибиздин материалдарын эске алуу менен биздин өтүнүчүбүздү канааттандырса, анда биз Жогорку соттун төрайымын камакка алып, жоопко тартабыз”, – деди Камчыбек Ташиев.
Пикирлер (4)