Ташкентте 41 кабаттуу бизнес-комплекс курулат

Өзбекстандын борбору Ташкентте наркы 90 миллион доллар турган 41 кабаттуу бизнес-комплекс жана соода-оюн-зоок борбору курулат.

"Mall of Tashkent & Business Center" – деп аталган бул ири инвестициялык долбоор ушул жылдын 4-июнунда өлкө президенти Шавкат Мирзиёевге тааныштырылган. Курулушу сентябрь айында башталуучу долбоорду түркиялык жана британиялык компаниялар жүзөгө ашырат жана ал 2022-жылдын 4-кварталында пайдаланууга берилет. Имараттын бийиктиги 191 метр (41 кабат) жана анын жер алдындагы бөлүгүндө үч кабаттуу 800 орундуу автоунаа токтотулуучу жайы болот.