Мурдагы вице-премьер-министр Тайырбек Сарпашев мамлекетке 500 га жер кайтарып берет. Бул тууралуу Финполдун басма сөз кызматы кабарлады.
Маалыматка ылайык, кечээ кечинде Экономикалык кылмыштуулукка каршы күрөшүү боюнча мамлекеттик кызматына мыйзамсыз баюу беренеси менен суракка кирип чыккан.
Натыйжада Тайырбек Сарпашев мамлекетке жакындарынын атына жаздырган 500 гектар жайыт, 30 гектар айдоо жерин өз ыктыяры менен кайтарып бере турган болгон. Бул жерлер Токтогул районунун карамагына өтөт.
Финполдон билдиргендей, тергөө амалдары улана берет.
Пикирлер (0)
Пикир жок. Сиз биринчилерден болушуңуз мүмкүн