“Тазалык” ишканасы Бишкектин бюджетинен 108 миллион сом насыя алууну пландоодо. Бул тууралуу коомдук талкууга коюлган Бишкек шаардык кеңешинин токтомунун долбоорунда айтылат.
Негиздөө билдирүүсүндө «Тазалык» МИнин финансылык-чарбалык ишмердүүлүгүн талдоо ишканада негизги өндүрүштүк милдеттерди чечүү үчүн финансылык ресурстардын жетишсиздиги байкалып жатканы белгиленген. Акыркы эки жылда материалдардын кымбатташына, күйүүчү-майлоочу майлардын эки эсе кымбатташына, коммуналдык кызматтарга тарифтердин көтөрүлүшүнө, 2020-жылдын март айында Бишкек шаарында өзгөчө кырдаалдын жарыяланышына жана башкаларга байланыштуу оор кырдаал түзүлдү.
Насыяны төлөө муниципалдык ишкананын чарбалык ишмердигинен түшө турган каражаттардын эсебинен пландаштырылган. 2023-жылга чарбалык ишмердүүлүк боюнча кирешелер жана чыгашалар сметасына ылайык, ишкана пландалган кирешеге жетиши керек. Насыя 36 айдын ичинде төлөнүшү күтүлүүдө.
Пикирлер (0)
Пикир жок. Сиз биринчилерден болушуңуз мүмкүн