Чек ара кызматы кыргыз-тажик чек арасында ок атылганын билдирди.
Маалыматка ылайык, бүгүн, 3-июнда Баткен районундагы Булак-Башы аймагында кыргызстандык чек арачылар тажик чек арачылары Кыргызстандын аймагына өтүп кеткенин аныкташкан. Бирок кыргызстандык чек арачылардын аймакты таштап чыгып кетүү боюнча мыйзамдуу талабына баш ийбей, аларды көздөй ок атышкан. Анын кесепетинен эки тараптан тең ок атылып, тажик тарап минометтон ок чыгарган.
Чек ара кызматынын алдын ала берген маалыматы боюнча, кыргызстандык чек арачылар жабыркаган эмес.
Окуя боюнча тажик тарап маалымат бере элек.
Чек ара кызматы саат 13:00гө карата атышуу уланып жатканын билдирди.
Пикирлер (0)
Пикир жок. Сиз биринчилерден болушуңуз мүмкүн