Тажикстандын Энергетика жана суу чарба министрлиги Кыргызстанга электр энергиясы сатылбаганын айтып чыкты. Бул тууралуу "Азия Плюс" кабарлады.
Тажикстандын Энергетика министрлигинин маалыматы боюнча эки тараптуу сүйлөшүү болгон, бирок келишим болгон эмес.
"Өткөн жума Кыргызстан тарап өлкөдө энергетика жетишсиздигинен улам бизге электр энергиясын импорттоп алуу тууралуу кайрылган. Ал маселе тажик өкмөтүндө каралып жатат. Бүгүнкү күндө Кыргызстанга электр энергиясы сатыла элек",- деп айтылат маалыматта.
Эскерте кетсек, Кыргызстандын Энергетика жана өнөр жай министри Доскул Бекмурзаев Тажикстандан күнүнө 1 миллион киловатт саат электр энергиясын сатып алуу башталганын билдирген. Ал электр энергиясы өлкөнүн түштүк регионуна колдонуларын белгилеген.
Пикирлер (0)
Пикир жок. Сиз биринчилерден болушуңуз мүмкүн