Тажикстанда жашап, ушул мамлекетте социалдык тармактар аркылуу акча тапкандар салык төлөй баштайт. Бул тууралуу коңшу мамлекеттеги белгилүү интернет-ишкери Рафаел Гулов “Озоди” сайтына билдирген.
“Мени жакында Салык комитетине чакырды. Алар Ютуб жана Инстаграммдан кантип акча табарымды сурады. Андан соң ар бир жаран тапкан кирешесинен салык төлөшү керек деп эскертти. Мен муну туура эле кабыл алам”, - деген ал.
Тажикстанда электрондук кызмат көрсөтүү боюнча жаңы салыктын түрү жакында катталды. Эми бул мамлекеттин блогерлери салык төлөй башташы мүмкүн.
Пикирлер (0)
Пикир жок. Сиз биринчилерден болушуңуз мүмкүн