Тажикстан эч кандай түшүндүрмөсүз 50 кыргыз жаранынын өлкөдөн чыгарды

Тажик тарап Кыргыз өлкөсүнүн 50 жаранын эч кандай түшүндүрмөсү жок Тажикстандан чыгарып жиберди. Бул тууралуу Чек ара кызматынан билдиришти.

"2-январь күнү болжол менен саат 20:20 чамасында мамлекеттик чек аранын "Карамык-авто жол" көзөмөл өткөрүү жайы аркылуу Тажикстандан Кыргыз өлкөсүнө Кыргыз Республикасынын 47 жараны өткөн.

Бул жарандар Тажик Республикасынын Жергетал районунун жергиликтүү жашоочулары, алардын үй-бүлө мүчөлөрү Тажик жарандары жана Тажикстанда жашашат.

2022-жылдын 4-январь күнү дагы үч Кыргыз жараны Тажикстандын аймагынан чыгарылган. Кыргыз жарандары мыйзамдуу түрдө Тажикстандын Лахш (Жергетал), Мургаб жана Тоолуу Бадахшан райондоруна барып, жашаган жерлерине убактылуу каттоого турушкан. Бирок буга карабай 2022-жылдын 2-4-январь күндөрү тажик бийлиги эч кандай түшүндүрмөсү жок тууган-уруктары менен коштошуп алууга уруксат бербестен 24 сааттын ичинде Тажикстандан чыгарып жиберишкен. Кыргыз жарандары "Карамык-авто жол" жана "Бордобо-авто жол" көзөмөл өткөрүү жайлары аркылуу өтүшкөн", - деп билдиришти басма сөз кызматынан.