Тажикстан менен чек ара боюнча сүйлөшүүлөр оор жүрүүдө. Бул тууралуу "Регион" каналынын башчысы Өткүрбек Рахманов билдирди.
Анын айтымында, Кыргызстан менен Тажикстандын чек ара боюнча делегациясы чек араны тактоодо бир пикирге келе албай жатат.
"УКМК төрагасы, генерал-лейтенант Камчыбек Ташиевдин кыргыз-тажик чек аралары боюнча Тажикстан мамлекетиндеги сүйлөшүүлөрү 3 күндөн бери уланууда. Бизге жеткен маалыматтар боюнча, сүйлөшүүлөр оор жүрүүдө. Бирок, мамлекеттин кызыкчылыктарын коргоодо, Кыргызстандык делегациянын башчысы, мамлекеттик чек ара комиссиясынын төрагасы Камчыбек Кыдыршаевич бекем позицияда турганы белгилүү болду",- деп билдирди.
Пикирлер (2)