Тажикстанда бир күндө коронавирус жуктуруп алгандардын саны 102ни түздү. Муну менен расмий бийлик тастыктаган факты 230га жетти. Аталган өлкөнүн Саламаттыкты сактоо министрлигинин 4-май, саат 16:30га берген маалыматы боюнча COVID-19 мамлекеттин бардык аймактарынан табылган. Ошондой эле 3208 жаран карантинге алынганы белгилүү болду.
Тажикстанда алгачкы 15 учур 30-апрелде Дүйнөлүк саламаттыкты сактоо уюмунун өкүлдөрүнүн визитинин алдында катталганы кабарланган. 3-майда вирус жуктуруп алгандардын саны 128ге жеткени маалымдалган. Буга чейин Дүйнөлүк банктын атайын өкүлдөрү бул мамлекетте коронавируска кабылгандардын саны 230 миңге жетип, ал 22 миңге чейин өлүм менен коштолорун божомолдогон.
Пикирлер (1)