Тажикстанда COVID-19 инфекциясын жуктуруп алгандарга бейтапканаларда орундуктар жетишсиз болууда. Бул тууралуу аталган өлкөнүн саламаттыкты сактоо министринин орун басары Мирхамуддин Камолзода билдирди.
Маалыматка ылайык, 5 284 орунду түзгөн 30 оорукана бар. Ал эми Душанбе шаарында илдетти жуктуруп алган бейтаптар үчүн 3 миң орундуу убактылуу оорукананын курулушу башталган.
Ошондой эле Мирхамуддин Камолзоданын айтымында дарттан чочулап ооруканага кайрылгандар көп, аларды коронавирустун ачык белгилери болгондо гана бейтапканаларга кабыл алат.
Учурда Тажикстанда COVID-19 илдетин жуктуруп алгандардын саны 800 кишиден ашты.
Пикирлер (1)