Тажикстанда мечиттерде намаз окууга уруксат берилди

Тажикстанда Дин, каада-салт жана салтанаттар комитети 20-марттан тарта мечиттерде жапырт намаз окууга кайрадан уруксат берди. 

Комитет намазга жыгылуу учурунда жарандар бардык санитардык нормаларды сакташы керек экенин эскертти.

Буга чейин, Коронавирус коркунучунан улам 5-мартта жамаат менен жума намаз окууга тыюу салынган. Мечиттерде намаз окууга тыюу салынганда социалдык түйүндөрдүн колдонуучулары окуу жайлар, ресторандар, соода борборлору жана стадиондор жабылбай иштеп жатканына нааразы болушкан.