Тажикстандын борбору Душанбедеги май куюучу жайдагы жарылуудан жана өрттөн кеминде 29 адам жаракат алды. Бул тууралуу 2-майда өлкөнүн Өзгөчө кырдаалдар комитетинин басма сөз кызматы билдирди.
1-майда жергиликтүү убакыт боюнча саат 19: 30да Душенбенин батыш тарабында күчтүү жарылуу болуп, андан кийин өрт чыккан. Май куюучу жайдагы өрттү он өрт өчүрүү тобу өчүрүп, жалын колоннасы 50 метрден ашык бийиктикке жеткен. Өрттү өчүрүүгө бир жарым сааттан ашык убакыт кеткен.
Май куюучу жайдагы жарылуунун жана андан кийин өрттүн кесепетинен жакын жердеги үйлөр жабыркап, 29 адам ар кандай деңгээлдеги жаракаттарды алышткан. Алардын бешөөнүн абалын дарыгерлер оор деп баалап жатышат.
Ал эми жергиликтүү басылмалар 1 жаран каза болгонун айтышууда.
Пикирлер (0)
Пикир жок. Сиз биринчилерден болушуңуз мүмкүн