Хатлон гарнизонунун үч аскер полигонунун аймагында Тажикстандын Куралдуу Күчтөрүнүн Башкы штабы тарабынан уюштурулган ири масштабдуу ыкчам-тактикалык машыгуулар өткөрүлөт. Бул тууралуу "Азия-Плюс" басылмасы куралдуу күчтөрүнө таянып билдирди.
Машыгууга өлкөнүн күч структураларынын өкүлдөрү, Хатлон облусунан келген улуттук армиянын запастагы жоокерлери, республиканын мамлекеттик органдарынын кызматкерлери, Тажикстандагы 201-орус аскер базасынын солдаттары жана офицерлери катышмакчы.
Маалыматка таянсак, машыгуулар апрелдин экинчи жарымына пландаштырылып, Сумбулак, Момирак жана Харбмайдон полигондорунда өтөт.
Машыгууларга бронетехника, артиллерия жана авиация тартылат.
Пикирлер (0)
Пикир жок. Сиз биринчилерден болушуңуз мүмкүн