Тажикстандын Тышкы иштер министрлиги Кыргызстандын айрым саясатчыларынын Төрт-Гүл суу сактагычынын каналы Тажикстанга өтүп кетти деген болжолдуу билдирүүлөрүнө көңүл буруп, тажик-кыргыз мамлекеттик чек арасын делимитациялоо жана демаркациялоо процесси жүрүп жаткандыгын белгилейт. Бул тууралуу Тажикстандын ТИМи кабарлайт.
Тажикстан Республикасынын Тышкы иштер министрлигинин басма сөз кызматы билдиргендей, Тажикстан менен Кыргызстандын өкмөттүк делегацияларынын ортосундагы чек ара маселелери боюнча сүйлөшүүлөр уланууда.
"Эл аралык укуктун ченемдерине ылайык, тажик-кыргыз мамлекеттик чек арасын делимитациялоо аяктаганга чейин, КРнын өкмөтү айткан аймактын каналы өткөн аймактын бөлүгү бөлүнбөгөн деп эсептелет. Учурда кайсы бир талаштуу аймакты экинчи тарап экинчи тарапка өткөрүп берүү жөнүндө сөз болушу мүмкүн эмес.
Министрлик коңшу өлкөнүн саясатчыларын тажик-кыргыз чек арасы боюнча билдирүүлөргө өтө этияттык менен мамиле кылууга чакырат, анткени такталбаган маалыматтарды жайылтуу эки боордош мамлекеттин чек ара аймактарындагы кырдаалды туруксуздаштырууга түрткү бериши мүмкүн", - деп жазылат маалыматта.
Пикирлер (0)
Пикир жок. Сиз биринчилерден болушуңуз мүмкүн